ننګرهار پوهنتون کې د فوټبال سیالۍ پیل شوې.

nu_admin
یکشنبه ۱۴۰۳/۲/۹ - ۱۱:۲۳
picture

د فوټبال سياليو یاد ټورنمنټ، چې دوه اوونۍ به دوام وکړي، د ننګرهار پوهنتون د سپورت او بدني روزنې آمريت له خوا ددې پوهنتون د اړوندو پوهنځيو د ۸ لوبډلو ترمنځ پیل شو.

د ټورنمنټ د پرانیستې پر مهال د ننګرهار پوهنتون د محصلانو چارو مرستيال پوهنیار حافظ سید محمد قاسم هاشمي د سپورت په ارزښت او ګټو خبرې وکړې او زیاته یې کړه، د ننګرهار پوهنتون رهبري د محصلینو فزیکي، مسلکي او تخصصي روزنې لپاره بشپړه ژمنتیا لري او په همدې پار یې په مختلفو وختونو کې ګټور پروګرامونه پلي کړي او په یاده برخه کې به د دوی هڅې دوام ولري.

نوموړي ددغه ډول سياليو پر دوام د ټينګار او ملاتړ څرګندولو تر څنګ، محصلین دوستانه چاپیریال کې لوبو ترسره کولو ته راوبلل. 

د ننګرهار پوهنتون د سپورت او بدني روزنې آمر محمد نسیم کاکړ د پیل شویو سیالیو په اړه وویل، چې له دې سیالیو یې موخه محصلینو او ځوانانو ته د سالمې بوختیا رامنځته کول او دغه راز د پوهنتون د فوټبال د منتخبې لوبډلې ټاکل دي.

د دغه ټورنمنټ په لومړۍ ورځ دوه لوبې ترسره شوې، چې په لومړۍ لوبه کې د اقتصاد پوهنځي لوبډلې د عامه ادارې او پالیسۍ پوهنځي لوبډلې ته او دویمه لوبه کې د انجینرۍ پوهنځي لوبډلې د کمپیوټر ساینس پوهنځي لوبډلې ته ماته ورکړه.

سرچینه: د عامه اړیکو، اطلاعاتو او نشراتو امریت

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu