د ننګرهار پوهنتون د روان سمستر نهايي ازموینې به راتلونکې شنبه د مرغومي په ۹مه نېټه پيل شي.

nu_admin
چهارشنبه ۱۴۰۲/۱۰/۶ - ۱۱:۱۰
Picture

د لوړو زده کړو وزارت د ازموینو کړنلارې او د ننګرهار پوهنتون د علمي شورا د پرېکړې له مخې به ددې پوهنتون د روان سمستر نهايي ازموینې د مرغومي په ۹مه نېټه پیل او درې اوونۍ به دوام وکړي.

ازموینې د ټاکلي مهال وېش سره سم د سهار په ۹ بجو پیلېږي او هره ازموینه به دوه ساعته وخت ولري.

یاده پرېکړه د ننګرهار پوهنتون د علمي شورا په هغه غونډه کې وشوه، چې د مرغومي په ۵ مه نېټه د دې پوهنتون د رئیس په مشرۍ ترسره شوه.

په نوموړې کاري ناسته کې، چې د پوهنتون مرستیالانو، د بېلابېلو پوهنځيو او تدريسي روغتون رئيسانو او استادانو په کې برخه لرله، د یادې پرېکړې سربېره په یو شمېر نورو علمي او تدریسي موضوعاتو بحث او خبرې وشوې.

د ننګرهار پوهنتون رئیس پوهاند دوکتور بهسودوال د مجلس د پرانیستې پر مهال په تېره یوه میاشت کې د پوهنتون د کړنو او لاسته راوړنو ګزارش د شورا له غړو سره شریک کړ.

نوموړي دغه راز د شورا غړو او مسؤلینو ته په ننګرهار پوهنتون کې د جوړېدونکي نړیوال علمي کنفرانس لپاره د مقالو سپارلو، د تضمین کیفیت پروسې، اکاډمیک اعتبار ساتنې او همدارنګه د راتلونکو ازموینو لپاره د اړین چمتووالي لارښوونې وکړې.

د علمي چارو مرستیال پوهندوی احسان الله ناصح، د اداري او مالي چارو مرستیال پوهنیار قاضي خالد صداقت، د محصلانو چارو مرستیال پوهنیار حافظ سید محمد قاسم هاشمي او د تحقیقاتو او علمي مجلو مرستیال پوهندوی دوکتور کفایت الله کاکړ د مجلس نور ویناوال وو، چې مسؤلینو سره یې د علمي، تدریسي، ازموینو او تضمین کیفیت اړوند مسایل شریک کړل.

د مجلس په دویمه برخه کې د پوهنتون د ازموینو عمومي کمېټې له خوا په ۲۴ مادو کې د رالېږل شوي طرزالعمل په اړه بحث وشو، چې د ازموینو د وخت، پوښتنو ډول او نورو اصولو په اړه په کې بحث شوی ؤ.

د مجلس په وروستۍ برخه کې د ننګرهار، لغمان، کونړ سید جمال الدین افغاني، بامیان او جهان پوهنتونونو د استادانو د علمي ترفيعاتو ۱۱، تقرر ۲۱ او انفکاک ۳ کیسونو او ځینو نورو علمي موضوعاتو په اړه بحث او لازمې پرېکړې وشوې.

سرچینه: د اړیکو، نشراتو او عامه پوهاوي آمریت

All reactions:

1010

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu