په ختيځ کې د نړيوال روغتيايي سازمان مسؤل د ننګرهار پوهنتون مشرتابه سره ولیدل.

nu_admin
چهارشنبه ۱۴۰۱/۳/۱۱ - ۸:۹
imamge

 

په ختيځ کې د نړيوال روغتيايي سازمان (WHO) ادارې مشر ډاکتر عبدالمتین سهاک د ننګرهار پوهنتون رئیس پوهاند دوکتور خلیل احمد بهسودوال سره ولیدل.

په یاده لیدنه کې، چې د لوړو زده کړو وزارت فوق العاده استازي او د پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل احسان الله ناصح، د تدریسي روغتون رئیس پوهنوال ډاکتر همایون چهاردیوال او د بهرنیو اړیکو کمېټې مشر پوهنمل دوکتور محمد دوست صافي هم په کې برخه لرله، د پوهنتون د تدریسي روغتون او روغتیايي کلینیک ترمیم، تجهیز او محصلینو ته د روغتیايي اسانتیاوو رامنځته کولو پر شونتیا بحث او خبرې وشوې.

د ننګرهار پوهنتون رئیس پوهاند دوکتور خلیل احمد بهسودوال د خپلې وینا پر مهال د پوهنتون تدریسي روغتون سره د طبي وسایلو، درملو او نورو بېلابېلو برخو کې د نړيوال روغتيايي سازمان د مرستې او همکارۍ مننه وکړه او د یادو مرستو د تقدیر تر څنګ یې په راتلونکې کې د هغې د دوام غوښتنه وکړه.

نوموړي دغه راز د پوهنتون د مرکزي لیلیې کلینیک د ترمیم او تجهیز، یو عراده مجهز امبولانس، ګرځنده روغتیايي ټیمونو توظیف، د پولیو واکسیناسیون پروژې د څارنې پروګرام کې د محصلینو د شمېر زیاتوالي، د استادانو او محصلینو په مرسته د ځینو تحقیقي پروژو پلي کولو او محصلینو ته د لومړنیو طبي مرستو په اړه د عامه پوهاوي ورکشاپونو جوړولو وړاندیز او سپارښتنه وکړه.

د لوړو زده کړو وزارت فوق العاده استازي او د پوهنتون د اداري او مالي چارو مرستیال قاضي خالد صداقت هم د نړيوال روغتيايي سازمان (WHO)ادارې د تېرو مرستو مننه وکړه او زیاته یې کړه، چې ننګرهار پوهنتون کې د ۱۸ زرو تنو په شاوخوا کې محصلین، استادان، اداري او خدماتي کارکوونکي او د استادانو د فامیلونو غړي اوسېږي، چې د دومره جمیعت لپاره شته روغتیايي اسانتیاوې د نشت برابرې دي.

نوموړي د روغتیا د نړیوال سازمان څخه په بېلابېلو برخو کې د مرستې او همکارۍ غوښتنه وکړه.

په ختيځ کې د نړيوال روغتيايي سازمان مشر ډاکتر عبدالمتین سهاک د پوهنتون مشرتابه ته ډاډ ورکړ، چې ننګرهار پوهنتون ته به په خپلو کاري لومړیتوبونو کې ځای ورکړي.

نوموړي وویل، د تدریسي روغتون او د مرکزي لیليې کلینیک سره به د درملو او طبي تجهیزاتو سربېره د ځینو برخو په ترمیم او رغولو، اوبو رسولو او وینې بانک جوړولو برخه کې مرسته وکړي.

ښاغلي سهاک ژمنه وکړه، چې د پوهنتون پاتې غوښتنې به د منظورۍ او اجرااتو په موخه د خپلې ادارې له مشرانو سره شریکې کړي.

د مجلس په وروستۍ برخه کې ښاغلي سهاک د پوهنتون د مشرتابه په ملتیا د لیلیې د کلینیک او ځینو نورو برخو څخه لیدنه وکړه.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu