ننګرهار پوهنتون کې د تضمین کیفیت او اعتبار ورکولو پروسې په اړه د عامه پوهاوي ورکشاپ جوړ شو

sakhizada_admin
چهارشنبه ۱۳۹۹/۱۱/۲۹ - ۸:۵۲
image

 

په نوموړي دوه ورځني ورکشاپ کې، چې د ننګرهار پوهنتون د تضمین کیفیت داخلي واحد په نوښت په (PDC) مرکز کې جوړ شوى ؤ، د کونړ د سید جمال الدین افغاني پوهنتون د تضمین کیفیت کمېټې شپږ تنو غړو په کې برخه لرله.

د ورکشاپ د پرانيستې پر مهال د ننګرهار پوهنتون د علمي چارو مرستيال پوهندوى دوکتور محمد حامد کډوال په علمي موسساتو کې د تضمين کيفيت او اعتبار ورکولو ملي پروسې د اصولو په اهمیت خبرې وکړې او ددغه ورکشاپ جوړېدل يې په اړونده برخه کې ګټور ګام وباله.

نوموړي وويل: د کونړ سید جمال الدین افغاني پوهنتون د تضمين کيفيت په برخه کې د اعتبار ترلاسه کولو دوه پړاوونه په برياليتوب ترسره کړي او درېيم پړاو ته کاندید دی، چې دا ورکشاپ به د درېیم پړاو ارزونې لپاره د چمتووالي په برخه کې ګټور او اغېزمن تمام شي.

ښاغلي کډوال د ننګرهار پوهنتون د تضمین کیفیت د داخلي واحد د مشرتابه او غړو مننه وکړه، چې نوموړي ورکشاپ ته یې زمینه برابره کړه او له ګډونوالو استادانو يې غوښتنه وکړه، چې ترې اعظمي ګټه پورته کړي.

د ننګرهار پوهنتون د تضمین کیفیت داخلي واحد مشر پوهنیار اخترمحمد غني د ورکشاپ د څرنګوالي په اړه وویل: په ياد دوه ورځني ورکشاپ کې د تضمين کيفيت د يوولس ګونو معيارونو تفسير، کورس پاليسۍ، تدريسي او انفرادي پلان جوړونې، کلني نظارت، دوره يي مرور، ستراتېژيک پلان جوړونې، د ځان ارزونې راپور جوړولو او يو شمېر نورو مسايلو په اړه د ورکشاپ د روزونکو له خوا ګډونوالو استادانو ته معلومات ورکړل شول.

د ورکشاپ د ګډونوالو په استازیتوب پوهنمل روح الله نجم خبرې وکړې او د ننګرهار پوهنتون د مشرتابه او تضمین کیفیت داخلي واحد له مسؤلینو یې مننه وکړه، چې تل یې د کونړ سید جمال الدین افغاني پوهنتون له ادارې او استادانو سره د ظرفیت لوړونې او نورو بېلابېلو علمي برخو کې مرسته کړې ده.

په پای کې د ورکشاپ پر ګډونوالو استادانو سندونه وویشل شول.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu