ننګرهار پوهنتون طب پوهنځي کې (د پروپوزل لیکنې، علمي مقالو خپرېدو او Citation) تر سرلیک لاندې ورکشاپ جوړ شو.

nu_admin
دوشنبه ۱۴۰۱/۱/۲۹ - ۸:۵۶
image

 

نوموړی یو ورځنی ورکشاپ د طب پوهنځي رياست او د ريسرچ کمېټې په نوښت د یاد پوهنځي د کتابتون په تالار کې جوړ شوی ؤ، چې د پوهنځي لسګونو تنو استادانو او د شپږم کال محصلينو په کې برخه لرله.

ورکشاپ د طب پوهنځي د مرستيال پوهنوال دوکتور محب الله (شينواري) په وینا پیل شو. نوموړي د ورکشاپ ګډونوالو ته د ښه راغلاست تر څنګ لنډه پرانيستونکې وينا وکړه او د ورکشاپ په ارزښت وغږيد.

پوهنوال شینواري وویل: د لوړو زده کړو وزارت د تحصيلي بنسټونو يوه موخه ريسرچ يا څېړنه ده، چې له څېړنو پرته پرمختګ امکان نه لري او هغه پرمحتګونه چې پر څېړنو ولاړ نه وي، دوام نه مومي؛ بناً د علومو په برخه کې د نوو معلوماتو لاس ته راوړل سمو، دقيقو او پر Reality ولاړو څېړنو ته اړتيا لري.

نوموړي زیاته کړه: ځوان علمي کادرونه او نوي فارغ محصلين بايد د ريسرچ په ميتودونو عملاً پوه شي، طبي علوم پر مستندو شواهدو ولاړ دي، په معاصر طب کې منځ ته راغلي پرمختګونه د همدې ترسره شوو څېړنو له پايلو راوتلي، نو د دي لپاره چې په طبي علومو کې پرمختګونه ولرو، څېړنو ته اړتيا ده، چې یادې څېړنې بايد مستندې او پر واقعيتونو ولاړې وي، تر څو يې له پايلو څخه د پالیسيو په جوړولو کې ګټه واخيستل شي، چې يادو ټکو ته په پام سره د دي ډول ورکشاپونو دايرول او په هغې کې ګډون لازمي دی، مونږ به په راتلونکې کې دې لړۍ ته دوام ورکړو او د ورته ورکشاپونو، سيمينارونو او سمپوزيمونو شاهدان به اوسو.

د ورکشاپ په دویمه برخه کې پوهنيار دوکتور صداقت مومند د پروپوزل لیکنې، پوهندوي محمد هارون رحيمي د ساينسي علمي مقالو د لیکنې او نشر او پوهنيار دوکتور عبدالغفار شېرزاد د Citation موضوعاتو په اړه پریزنټیشنونه وړاندې کړل او د ګډونوالو استادانو او محصلینو پوښتنو ته یې ځوابونه وویل.

د ورکشاپ د پای عمومي ارزونه د طب پوهنځي رئيس پوهنوال دوکتور محمد عظيم عظيمي وکړه. نوموړي د دې ډول ورکشاپونو پر ارزښت مفصلې خبرې وکړې او دا يې د ځوانو کادرونو د روزنې لپاره يو اړين ګام وباله.

پوهنوال عظیمي د جينيکس فارما درمل جوړولو کمپنۍ مننه وکړه، چې د یاد ورکشاپ د مالي تمويل تابيا يې کړې وه.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu