د کونړ د سید جمال الدین افغاني پوهنتون مخکېني رئیس او د ننګرهار پوهنتون د ژبو او ادبیاتو پوهنځي د عربي څانګې استاد میر احمد حامد د اکاډمیکو خدمتونو قدردانی وشو

sakhizada_admin
دوشنبه ۱۳۹۹/۱۰/۲۹ - ۸:۴۸
image

 

په همدې مناسبت د ژبو او ادبیاتو په پوهنځي کې ستاینغونډه جوړه شوې وه، چې د یاد پوهنځي د رئیس او استادانو سربېره په کې د ننګرهار پوهنتون رئیس پوهاند دوکتور خلیل احمد بهسودوال، د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهندوی سید اکرم هاشمي او د بېلابېلو پوهنځیو مسؤلینو او استادانو برخه لرله.

غونډې ته د وينا پر مهال د ننګرهار پوهنتون رئيس پوهاند دوکتور خلیل احمد بهسودوال د استاد حامد ترسره کړي خدمتونه وستايل او نوموړى يې پر هېواد او ولس مين شخصيت ياد کړ.

نوموړي وويل: نن ورځ مونږ او تاسې د داسې يو شخصيت په وياړ راټول شوي يو، چې څلور لسیزې يې د ننګرهار پوهنتون او نورو اکاډمیکو مرکزونو په چوکاټ کې د ولس او خاورې خدمت وکړ.

هغه زياته کړه: د ننګرهار او کونړ پوهنتونونو د علمي پرمختګ او اکاډميکو چارو د سمبالتيا په برخه کې د ښاغلي حامد هڅې او کوښښونه له هيچا پټ نه دي، مونږ يې قدردانى کوو او دا چې ښاغلی استاد اوس تقاعد ته سوق شو، نو په راتلونکې هم ترې د همکارۍ هیله لرو.

د ژبو او ادبیاتو پوهنځي رئیس پوهنمل محمد عارف حازم او د عربي څانګې استاد پوهندوی سید غفور غفوري د غونډې نور ويناوال وو، چې د استاد حامد په ترسره کړیو علمي خدمتونو یې رڼا واچوله او د لوی خدای (ج) له درباره یې نوموړي ته د اجر او لا زیاتو بریاوو غوښتنه وکړه.

د کونړ د سید جمال الدین افغاني پوهنتون مخکېني رئیس او د ننګرهار پوهنتون د ژبو او ادبیاتو پوهنځي د عربي څانګې متقاعد استاد میر احمد حامد د پوهنتون او ادبیاتو پوهنځي له مشرتابه مننه وکړه، چې د نوموړي هڅې يې وستايلې او ژمنه يې څرګنده کړه، چې په راتلونکې کې به هم د پوهنتون له ادارې سره خپلې همکارۍ ته دوام ورکړي.

د غونډې په پاى کې د ننګرهار پوهنتون او ادبیاتو پوهنځي مشرتابه ښاغلي حامد ته د ښه خدمت په وياړ د اعزاز پګړۍ پر سر کړه او په ستاينليکونو یې وویاړه.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu