د ننګرهار پوهنتون پلان او پاليسۍ کمېټې ددې پوهنتون د رئيس پوهاند دوکتور خليل احمد بهسودوال په مشرۍ غونډه وکړه.

nu_admin
دوشنبه ۱۴۰۰/۱۰/۲۷ - ۸:۵۹
image

 

په نوموړې کاري ناسته کې، چې د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال، د علمي چارو او محصلانو چارو مرستيالانو او د یادې کمېټې غړو په کې برخه لرله، د پوهنتون د نوي ستراتېژیک پلان جوړولو په اړه بحث او خبرې اترې وشوې.

د مجلس د پرانیستې پر مهال د ننګرهار پوهنتون رئیس پوهاند دوکتور خلیل احمد بهسودوال د پلان او پالیسۍ کمېټې غړو ته د راتلونکو پنځو کلونو لپاره د پوهنتون د نوي ستراتېژیک پلان جوړولو او دغه راز د لوړو زده کړو وزارت د هدایت سره سم د تېر پلان د تطبیقي راپور برابرولو لارښوونه وکړه.

د لوړو زده کړو وزارت فوق العاده استازی او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستيال پوهنمل احسان الله ناصح او د محصلانو چارو مرستيال پوهنوال سيد اکرم هاشمي د مجلس نور ویناوال وو، چې د خپلو خبرو پر مهال یې د کمېټې غړو ته په کمېټه کې د فعال حضور او د پوهنتون او پوهنځیو په کچه د یادو کمېټو د چارو د چټکتیا سپارښتنه وکړه.

د مجلس په وروستۍ برخه کې د پلان او پالېسۍ کمېټې مشر پوهنیار عبدالهادي زماني د یادې کمېټې د تېرو فعالیتونو او راتلونکو پلانونو په اړه د پوهنتون مشرتابه ته معلومات ورکړل او هم یې د پوهنتون د ستراتېژیک پلان جوړولو په اړه د اجرااتو ډاډ ورکړ.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu