د ننګرهار پوهنتون علمي شورا نوبتي غونډه وکړه.

nu_admin
یکشنبه ۱۴۰۰/۱۱/۳ - ۱۰:۴۸
image

 

په نوموړې کاري ناسته کې، چې د مرغومې په ۳۰ مه نېټه ددې پوهنتون د رئیس پوهاند دوکتور خلیل احمد بهسودوال په مشرۍ ترسره شوه، د استادانو د علمي ترفیعاتو، تقرر او انفکاک کیسونو او يو شمېر نورو مسايلو په اړه بحث او پرېکړې وشوې.

د ننګرهار پوهنتون رئيس پوهاند دوکتور خليل احمد بهسودوال د مجلس د پرانیستې پر مهال د څلورمو ټولګیو د پیل طرحې په اړه، چې د لوړو زده کړو وزارت له خوا پرې کار روان دی او ډېر ژر به تطبیق شي، د پوهنځیو مسؤلینو ته د اړین چمتووالي سپارښتنه وکړه.

نوموړي دغه راز د لوړو زده کړو وزارت د هدایت سره سم د پاکستان هېواد د معتبرو پوهنتونونو او روغتونونو سره د ننګرهار پوهنتون د تفاهملیکونو د لاسلیکولو او ځینو نورو پرمختګونو په اړه د شورا غړو ته معلومات ورکړل.

د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازی او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل احسان الله ناصح او د محصلانو چارو مرستیال پوهنوال سید اکرم هاشمي د مجلس نور ویناوال وو، چې د تضمین کیفیت داخلي واحد ته د پوهنځیو د کلنیو راپورونو لېږلو، د علمي تحقیقاتو مرکزي کمېټې ته په ملي او نړیوالو علمي ژورنالونو کې د پوهنتون د استاذانو د چاپ شویو مقالو او څېړنو سپارلو، فارغېدونکو محصلانو ته د مونوګرافونو او دفاع ګانو زمینې برابرولو، د دیپلومونو د څارنې کمېټې سره د لازمې همکارۍ، د متقاعدو استادانو له خوا د پوهنتون د کورونو تخلیې، د نیالګیو کېنولو کمپاین لپاره چمتووالي او ځینو نورو موضوعاتو په اړه یې د مجلس ګډونوالو ته اړینې سپارښتنې وکړې.

د مجلس په وروستۍ برخه کې د ننګرهار او لغمان پوهنتونونو د علمي ترفیعاتو د ۹، تقرر ۴ او انفکاک ۱۱ کیسونو او د ځینو نورو متفرقه مسايلو په اړه بحث او پرېکړې وشوې.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu