د ننګرهار پوهنتون د دوکتورا پروګرام دویم فارغ خپل پایلیک دفاع کړ

sakhizada_admin
یکشنبه ۱۳۹۹/۹/۲ - ۹:۵۷
image

 

پوهاند نقیب الله ثاقب د ننګرهار پوهنتون د شرعیاتو پوهنځي د فقهې او قانون دوکتورا پروګرام د دویم فارغ په توګه له خپل پایلیک څخه په بریالي ډول دفاع وکړه.

په همدې مناسبت د پوهنتون د غونډو په تالار کې یو لړ مراسم جوړ شوي وو، چې د پوهنتون او شرعیاتو پوهنځي د مشرتابه، استادانو او محصلانو سربېره په کې د کابل او ځینو نورو پوهنتونونو استادانو، علماوو او پوهانو برخه لرله.

د ننګرهار پوهنتون رئیس پوهاند دوکتور خلیل احمد بهسودوال د دفاع غونډې د پرانیستې وینا پر مهال د فقهې او قانون څانګې څخه د Phd په سویه د علمي کادرونو فراغت د ننګرهار پوهنتون او د ټول هېواد لپاره د ویاړ او افتخار ځای وباله.

نوموړي وویل: د ننګرهار پوهنتون د شرعیاتو پوهنځي د فقهې او قانون څانګې دوکتورا پروګرام کې اوس مهال ۱۰ تنه په زده کړو بوخت دي او ۱۹ تنه یې په دوه دورو کې له تدریسي پروسې فارغ کړي دي.

پوهاند بهسودوال زیاته کړه: د پوهنتون اداره هڅه کوي، چې د ماسترۍ او دوکتورا پروګرامونو ته پراختیا ورکړي، چې په نږدې راتلونکې کې به د تفسیر او حدیث او پښتو ژبې او ادب څانګو کې د دوکتورا د دوه نورو پروګرامونو او په یو شمېر نورو پوهنځیو کې د ماسترۍ برنامو د پیل شاهدان واوسو.

نوموړي د شرعیاتو پوهنځي د مشرتابه او ادارې مننه وکړه، چې د پیاوړو علمي کادرونو په لرلو سره د لیسانس، ماسترۍ، دوکتورا او شپې پوهنځیو په پروګرامونو کې د هېوادوالو په روزنه بوخت دي او په اړونده برخه کې د ګڼو لاسته راوړنو لرونکي دي.

د ننګرهار پوهنتون د شرعیاتو پوهنځي د فقهې او قانون څانګې دوکتورا برنامې آمر پوهاند دوکتور دل آقا وقار او د کابل پوهنتون استاد پوهاند دوکتور ودیر صافی د غونډې نور ویناوال وو، چې د موضوع په تړاو یې خبرې وکړې.

د غونډې په وروستۍ برخه کې پوهاند نقیب الله ثاقب له خپل پایلیک دفاع وکړه او د ګډونوالو پوښتنې یې ځواب کړې، چې د ژوري هیئت له خوا یې دفاع مثبته ارزیابي شوه.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu