د ننګرهار پوهنتون تدریسي روغتون د نسايي ولادي څانګې یو شمېر برخې د رغونې او تجهیز وروسته ګټې اخیستنې ته وسپارل شوې.

nu_admin
دوشنبه ۱۴۰۱/۹/۲۸ - ۹:۵۲
image

 

په یادو رغنیزو چارو کې دوه د عملیات خونې، یوه د تعقیم خونه، درې (ICU) خونې، یوه ریکوري خونه، یوه د نویو زېږېدلو کوچنیانو مراقبت خونه، ګل خانه او ځینې نورې برخې شاملې دي، چې د ICRC ادارې د ۱.۲ میلیونه افغانیو په مالي مرسته په اساسي توګه د رغونې او په مجهزو طبي وسایلو له سمبالولو وروسته د ننګرهار پوهنتون د مشرتابه له خوا رسماً ګټې اخیستنې ته وسپارل شوې.

د ننګرهار پوهنتون رئیس پوهاند دوکتور خلیل احمد بهسودوال د یادو رغنیزو چارو په ترسراوي خوښي وښوده او زیاته یې کړه، چې د نسايي ولادي څانګې پخوانۍ بڼه د کار او خدمت لپاره مناسبه او معیاري نه وه او د دې اړتیا لیدل کېده، چې بدلون په کې رامنځته شي.

نوموړي د یادې څانګې اوسنۍ بڼه د روغتیايي خدماتو په پراختیا، چټکوالي او معیاري کېدو لپاره مهمه وبلله او زیاته یې کړه، چې د یادو تغیراتو په رامنځته کېدو سره به نسايي ولادي ناروغانو ته پر وخت او لازمه رسېدنه وشي.

پوهاند بهسودوال د تدریسي روغتون د رئیس پوهنوال ډاکتر همایون چهاردیوال او ورسره همکار طبي پرسونل څخه مننه وکړه، چې په هلو ځلو یې د روغتون په ټولو څانګو کې مثبت تغیرات رامنځته شوي او په راتلونکې کې یې د هغې پر دوام ټینګار وکړ.

د تدریسي روغتون رئیس پوهنوال ډاکتر همایون چهاردیوال راغلو مېلمنو ته د ښه راغلاست ویلو تر څنګ یادې رغنیزې چارې د نسايي ولادي څانګه کې د روغتیايي خدمتونو د وړاندې کولو د ښه والي او د میندو او ماشومانو د مړینې د کچې د کمښت په برخه کې اړین او پر ځای ګام وباله.

هغه همدا راز وویل، د خپلو رغنیزو چارو د دوام تر څنګ به د تدریسي روغتون د روغتیايي خدماتو د عرضې او د محصلینو تدریسي بهیر برخه کې د پرتو خنډونو او ننګونو د هواري په موخه خپل کوششونه جاري وساتي.

د پرانیستې په یادو مراسمو کې د ننګرهار پوهنتون او تدریسي روغتون د رئیسانو سربېره د ننګرهار پوهنتون د محصلانو چارو مرستیال حافظ سید محمد قاسم هاشمي، د طب پوهنځي مرستیال پوهنوال ډاکتر محب الله شینواري، د تدریسي روغتون مرستیال پوهنمل ډاکتر زلمي صاحبزاده، د فاطمه الزهرا روغتون آمر ډاکتر فضل الله سیرت، د نشتر د پښتورګو ملي روغتون سرطبیب ډاکتر واقف نیازي، د تدریسي روغتون د څانګو آمرینو، پوهاند صاحبانو او متخصصو ډاکترانو برخه اخیستې وه.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu