د لوړو زده کړو وزارت د محصلانو چارو سرپرست معین د ننګرهار پوهنتون مشرتابه سره وليدل.

nu_admin
یکشنبه ۱۴۰۰/۱۰/۱۲ - ۸:۴۵
iamge

 

د لوړو زده کړو وزارت د محصلانو چارو سرپرست معين انجنير سيد اسماعيل روحاني د یوه پلاوي په ملتیا ننګرهار پوهنتون ته راغی او د دې پوهنتون د مشرتابه او مسؤلینو سره یې ولیدل.

په یاده لیدنه کې د ننګرهار پوهنتون د رئیس، مرستیالانو او د بېلابېلو پوهنځیو د رئیسانو سربېره د اسلامي امارت د لوړو زده کړو عالي کمېسون د ختیز زون مسؤلینو هم برخه لرله.

د ننګرهار پوهنتون رئیس پوهاند دوکتور خلیل احمد بهسودوال راغلي پلاوي ته د ښه راغلاست تر څنګ د پوهنتون د تاریخي شالید، تشکیلاتو، فعالیتونو، علمي او رغنیزو لاسته راوړنو او دغه راز په پوهنتون کې د شته ستونزو او ننګونو په اړه معلومات ورکړل.

پوهاند بهسودوال وویل: د ننګرهار پوهنتون ټولې علمي او اکاډمیکي چارې د لوړو زده کړو وزارت د اصولو او مقرراتو سره سمې پر مخ ځي او د تدریسي چارو د پیل لپاره بشپړ چمتووالی لري او په یاده برخه کې د لوړو زده کړو وزارت د محترم مقام پرېکړې ته په تمه یو.

د ننګرهار ولایت د دولتي او خصوصي پوهنتونونو لپاره د لوړو زده کړو وزارت فوق العاده استازی او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل احسان الله ناصح او د محصلانو چارو مرستیال پوهنوال سید اکرم هاشمي د مجلس نور ویناوال وو، چې هر یو د خپلې اړوندې برخې د فعالیتونو په اړه معلومات وړاندې کړل او د چارو د بهبود او ښه والي په موخه یې یو شمېر وړاندیزونه هم د راغلي پلاوي سره شریک کړل.

د لوړو زده کړو وزارت د محصلانو چارو سرپرست معين انجنير سيد اسماعيل روحاني ننګرهار پوهنتون له کابل پوهنتون وروسته دويم ستر اکاډمیک مرکز ياد کړ، چې په وینا یې، لسګونه زره علمي کادرونه یې په اسلامي او ملي روحیه سمبال روزلي او ټولنې ته یې د خدمت په موخه وړاندې کړي دي.

ښاغلي روحاني د پوهنتونونو د ژر پیلېدو ژمنه وکړه او زیاته یې کړه، چې د لوړو زده کړو وزارت رهبري په ډېرې تېزۍ سره د یاد بهیر پر وړاندې د شته ستونزو او خنډونو په له منځه وړلو کار کوي.

نوموړي وویل، چې په هېواد کې ستر تحول راغلی او د چارو عادي حالت ته راتګ به لږ وخت ونیسي.

د محصلانو چارو سرپرست معین د ننګرهار پوهنتون مشرتابه ته د دې پوهنتون د محصلانو او نورو برخو کې د شته ستونزو د حل ډاډ ورکړ.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu