د لوړو زده کړو سرپرست وزیر شیخ الحدیث مولوي نداء محمد ندیم ننګرهار ولایت ته د کاري سفر په ترڅ کې د ختیځو ولایتونو د دولتي او خصوصي پوهنتونونو او لوړو زده کړو موسسو د مسؤلینو، استادانو، محصلینو او علماء کرامو سره د بېلابېلو غونډو په ترڅ کې ولیدل.

nu_admin
سه‌شنبه ۱۴۰۱/۹/۲۲ - ۸:۵۰
image

 

د لوړو زده کړو د سرپرست وزیر او ورسره مل پلاوي د راتګ په ویاړ ننګرهار پوهنتون کې ستره غونډه جوړه شوې وه، چې د ننګرهار او د ختیځ د دولتي او خصوصي پوهنتونونو د مشرتابه، استادانو او زرګونو محصلینو سربېره په کې د ننګرهار د ولایتي ادارې مسؤلینو او علماء کرامو برخه لرله.

د ننګرهار پوهنتون رئیس پوهاند دوکتور خلیل احمد بهسودوال د غونډې د پرانیستې وینا پر مهال د لوړو زده کړو سرپرست وزیر شیخ الحدیث مولوي نداء محمد ندیم او ورسره مل پلاوي راتګ ته ښه راغلاست ووایه او مننه یې ترې وکړه، چې د هېواد ټولو زونونو ته یې د تحصیلي وضعیت د ارزونې او بهبود په موخه سفرونه پیل کړي.

نوموړي د ننګرهار پوهنتون د علمي او تدریسي وضعیت، کړنو، لاسته راوړنو او ستونزو په اړه راغلي پلاوي ته معلومات ورکړل او د ستونزو د حل په برخه کې یې د همکارۍ غوښتنه وکړه.

د لوړو زده کړو سرپرست وزیر شیخ الحدیث مولوي نداء محمد ندیم ننګرهار پوهنتون د هېواد له سترو او تاریخي پوهنتونونو یاد کړ، چې د تحصیلي ډګر د پیاوړتیا لپاره یې ډېر کار کړی او لا هم پر دې ډګر چټک ګامونه اخلي.

نوموړي د افغانستان د .ا.ا بریا د ټولو افغانانو ګډ افتخار وباله او استادان او محصلین یې د اسلامي نظام ملاتړ ته راوبلل.

ښاغلي ندیم له ټولو هغو استادانو مننه وکړه، چې په دې سختو شرایطو کې د ولس تر څنګ پاتې شول او په هغو استادانو یې، چې بهر ته تللي، د بېرته راستنېدو غږ وکړ.

د لوړو زده کړو سرپرست وزیر د هېواد د تحصیلي نظام د معیاري کېدو او د پوهنتونونو او تحصیلي موسساتو د ستونزو د حل ژمنه وکړه او زیاته یې کړه، چې په دې برخه کې جدي هڅې روانې دي.

د لوړو زده کړو سرپرست وزیر شیخ الحدیث مولوي نداء محمد ندیم د خپل دوه ورځني کاري سفر په ترڅ د ننګرهار، کونړ، لغمان، نورستان او د ننګرهار د بېلابېلو خصوصي پوهنتونونو او لوړو زده کړو موسساتو د مسؤلینو سره ځانګړې ناستې وکړې او د هغوی ستونزې او وړاندیزونه یې واورېدل.

دغه راز یې د ختیځ زون د سلګونو تنو علماء کرامو سره غونډه وکړه او د لوړو زده کړو د تحصیلي نظام د پیاوړتیا او معیاري کېدو په برخه کې یې د هغوی نظرونه او وړاندیزونه واورېدل.

د لوړو زده کړو سرپرست وزیر شیخ الحدیث مولوي نداء محمد ندیم د خپل کاري سفر په وروستۍ برخه کې د ننګرهار پوهنتون د مشرتابه په ملتیا ددې پوهنتون د تدریسي روغتون څخه لیدنه وکړه او په یاد روغتون کې د رامنځته شویو مثبتو تغیراتو ستاینه یې وکړه.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu