د ازموینو ملي ادارې پلاوي د ننګرهار پوهنتون له رئیس سره ولیدل

sakhizada_admin
پنجشنبه ۱۳۹۹/۹/۱۳ - ۱۰:۲
image

 

د ننګرهار ولایت د ښوونکو او اداري بستونو د ډله ییزې ازموینې اخیستلو په موخه د ازموینو ملي ادارې څخه د راغلي پلاوي مشر پوهاند عبدالاحد مسلم د ننګرهار پوهنتون رئیس پوهاند دوکتور خلیل احمد بهسودوال سره ولیدل.

په یاده لیدنه کې، چې د پوهنتون د محصلانو چارو مرستیال پوهندوی سید اکرم هاشمي، د ننګرهار د اداري اصلاحاتو او ملکي خدمتونو خپلواک کمېسون رئیس پوهنیار هجرت الله اختیار او د پوهنتون ځینو آمرینو او اداري کارکوونکو هم برخه لرله، دواړو لورو په راڼه او شفاف ډول د ازموینې اخیستلو په اړه بحث او خبرې اترې وکړې.

پوهاند مسلم د کانکور د کارتونو توزیع، بايومتريک او ازموینې پروسې په اړه د پوهنتون رئيس ته معلومات ورکړل او زیاته یې کړه، چې د يادې پروسې د ښه ترسراوي لپاره له مرکز نه ۲۳ کسيز ټيم ننګرهار پوهنتون ته راغلى.

نوموړي په اړونده برخه کې د پوهنتون د مشرتابه څخه د مرستې او همکارۍ غوښتنه وکړه.

د ننګرهار پوهنتون رئيس پوهاند دوکتور خلیل احمد بهسودوال راغلي پلاوي ته د ښه راغلاست تر څنګ په اړونده برخه کې د همکارۍ ډاډ ورکړ.

نوموړي وويل: د ښوونکو او اداري کارکوونکو کانکور پروسې د ښې او رڼې اخيستنې لپاره به د ننګرهار پوهنتون اداره، استادان او ټول منسوبين نه ستړې کېدونکې هلې ځلې وکړي او هيچاته به ددې اجازه ورنکړي، چې په بې ځايه مداخلې دا پروسه داغداره کړي.

تازه خبرونه

شنبه ۱۴۰۵/۸/۲ - ۱۳:۱
Background image

د ننګرهار پوهنتون محصلینو ته د مشاورې مهارتونو او رواني روغتیا په اړه معلوماتي سیمینار وړاندې شو.

یاد سيمینار چې د دې پوهنتون د محصلانو خدمتونو او همغږۍ امریت په هڅو د ښوونې او روزنې پوهنځي د ارواپوهنې او پیداګوژي څانګې دوو تنو استادانو له خوا ترسره شو، پر مهال یې سلګونو تنو محصلینو. . .

چهارشنبه ۱۴۰۵/۷/۲۹ - ۱۱:۴۵
Background image

د ننګرهار پوهنتون کارکوونکو ته اداري فساد سره د مبارزې په اړه معلوماتي سیمینار وړاندې شو.

د ننګرهار پوهنتون کارکوونکو چارو امریت اړوند وړتیا لوړونې عمومي مدیریت په نوښت د اداري فساد مخنیوي، ورځینو چارو لا روڼتیا او د یوې سالمې، ځواب ‌ویونکې او شفافې اداري فضا تأمین په موخه د. . .

چهارشنبه ۱۴۰۵/۷/۲۹ - ۱۱:۴۲
Background image

د ننګرهار پوهنتون محصلینو ته د سلام اچولو د اهمیت او فضیلتونو په اړه اصلاحي سیمینار وړاندې شو.

د ننګرهار پوهنتون دعوت او ارشاد امریت له خوا د دې پوهنتون لیلیه محصلینو ته په اسلام مبارک دین کې د سلام اچولو د اهمیت، فضیلتونو او ټولنیزو ګټو په اړه اصلاحي او معلوماتي سیمینار وړاندې. . .

BACK TO NEWS

User account menu