تاريخچه

    ساينس پوهنځي د لوړو زده کړو وزارت د محترم مقام  له لورې په ۱۳۹۰ لمريز کال منظوري شوی دي، د ودانۍ نقشه او د ودانولو مصارف يې د پاکستان اسلامی جمهوري دولت لخوا تر سره شوي، دا چې ساينس پوهنځې  په ۱۳۹۰ لمریز کال تازه پر فعاليت شروع وکړه  د پېل سره سم يې دوه څانګې (کيميا-بيولوژي او رياضي – فزيک) فعالې کړې، دری کاله وروسته  په ۱۳۹۴  لمريز کال  (کيميا، بيولوژي، رياضي، فزيک او جيولوجي معدن ) څانګې ايجاد او محصلان  په زده کړو بوخت شول.  د څانګو تر څنګ پوهنځی کې د بيولوژي، کيميا او فزيک لابراتوارونه او لس (۱۰) کارې کمېټې شتون لری چې هرې کمېټې  په خپله برخه کې د اړتيا سره سم  فعاليتونه ترسره کړي دي.  ساينس پوهنځي نظر کې لري چې په راتلونکې کې په علمي سويه او  په پرمختللې ساينسي تجاربو سمبال علمی کادرونه جامعې ته وړاندې کړي.

موخې​

     دا چې زمونږ د ګړان هيواد افغانستان د بېلابېلو ساحو د ترقۍ، پرمختګ او بيا رغونې لپاره پياوړو ساينسي مهارتونو او مسلکي کادرونو ته ډيره زياته اړتيا  لري ، ترڅو تربيه شوي کادرونه وکولای شي چې په مادې او معنوي ډول د هيواد په ابادۍ او ترقۍ کې فعاله ونډه واخلي نو په همدې منظور د ساينس پوهنځي مرام او موخې په لاندې څو مادو کې خلاصه کوو.

  1. په علمي ډګر کې د هيوادوالو لپاره د علمي او مسلکي کادرونو روزل.
  2. د طبعي علومو له نظره د هيواد د صنعتي موسساتو تقويه کول.
  3. د بشري منابعو تقويه کول، کوم چې دهيواد عايداتو په توليد کې ونډه لري .
  4. د تکنالوژۍ تقويه کول او د تکنالوژي څخه په لويه پيمانه ګټه اخستل .
  5. د ساينس پوهنځي فارغ التحصيل به د يو ساينس پوه په څير د مسلکي او علمي تجربو لرونکې وي او دې ته به اماده وي چې د اسلامي شريعت سره برابر د خپل ولس او وطن خدمت وکړي او ملي ګټو ته به په خپلو شخصي ګټو ترجيح ورکوي  او مسوليتونه به درک کوي.
  6. د ساينس پوهنځي فارغ التحصيل به د يو ساينس پوه په توګه د همکارۍ او همغږي روحيه ولري او هغه تخنيکونه چې زده کړي يې دي، د خپل ولس او هيواد لپاره د ښه خدمت مصدر وګرځوي اوهمدارنګه د يو علمي او مسلکي کادر په څير په خپلو دنده  کې رښتنې او بيداره واوسي او د لابهتر والي لپاره په دولتي اموراتو کې فعاله ونډه ولري.
  7. د ساينس پوهنځي فارغ التحصيل به هر وخت د ساينسي تکنالوژي او وسايلو څخه په پوره ډول باخبره واوسي او هر وخت به د ساينس په برخه کې د هيواد ستونزي درک او د حل لپاره به يې پلټنه او کوښښ کوي.
  8. د ساينس پوهنځي فارغان به د طبعي علومو متخصصينو او ښوونکو په توګه د صنعتي موسساتو د مشکلاتو د رفع کولو لپاره په هيواد کې فعاليت کوي.
  9. په علمي تحقيقاتو او صنعتي او تخنيکي پروژو کې د هيواد او جهان په سطحه د لارښوونو او مشورو له طريقه برخه اخستونکي او همکار واوسي . 
  10. د ساينس پوهنځي فارغ التحصيل به په ساينسي مسايلو کې د نورو علمي کادرونو سره د نوي انکشافاتو په لټه کې وي او داسې نور ...

 

ساينس پوهنځی کې لاندې څانګې فعاليت کوي

  • کيميا څانګه
  • بيولوژي څانګه
  • رياضي څانګه
  • فزيک څانګه
  • جيولوجي معدن او اکتشاف څانګه

دپوهنځي اړونده کميټي

دساينس پوهنځي د چارو دسمون لپاره مختلفې کمېټي لري چې هره کمېټه د پوهنځی د استادانو لخوا رهبري کيږي ، دپوهنځي کميټی په لاندي ډول دي.

  • تضمين کيفيت او ځان ارزونې کمېټه
  • فرهنګې او چاپيريال ساتنې کمېټه
  • ستراتيژيک پلان جوړولو کمېټه
  • علمي څيړنو کمېټه
  • درسي نصاب دپلي کولو او ارزولو کمېټه
  • نظم او ډسپلين کمېټه
  • دازموينو او شکاياتو کمېټه
  • بريښنايي زده کړو کمېټه
  • ليليې کميټه
  • علمي او ساحوي کړنو دتنظيم کمېټه

فعاليتونه

۱ـ دپوهنځي غونډي

دساينس پوهنځي د اداري رهبري دمنظم مهالويش سره سم په مياشت کي يوځل علمي شورا، دڅانګو غونډي،دتضمين کيفيت غونډه  اوهم دضرورت پر اساس داستادانو عمومي غونډه لري چي په اړونده موضوعاتو باندي هر اړخيزه بحث ترسره او لازم تصميمونه نيول کيږي.

۲ـ تدريسي فعاليت او دنورو پوهنځيو سره مرسته

دساينس پوهنځي تدريسي بهير دنصاب سره سم  په  عملي او نظري ډول  ټولو څانګو کي پر مخ وړل کيږي، دعملي کارونو لپاره دمختلفو څانګو لابراتوارونه شتون لري چې دهرې څانګې  په مربوطه لابراتوارکې عملي کارونه دمربوطه استادانو په واسطه ترسره کيږي.

دمختلفو څانګو علمي کادرونه  دڅانګي داړونده مضمونو د تدريس سربيره دانجينري ، وترنري، زراعت ، کمپيوترساينس اداره عامه او اقتصاد پوهنځيوکې دکيميا،رياضي، فزيک او بيالوژي مضامينو په تدريس کې مرسته کوي

۳ـ علمي فعاليتونه او د ظرفيت لوړول

دساينس پوهنځي ټول استادان  د درسي بهير ترڅنګ  علمي رتبو ته د ترفيع په موخه درسي کتابونو په تاليف،ژباړه او څيړنيزو فعاليتونو  بوخت دي. يوشمير استادان دماسټرۍ سند دترلاسه کولو لپاره په بهرنيو هيوادونو کې زده کړه کوی.

۴ـ دورکشاپونو، کنفرانسونو او سيمينارونو دايرول

دساينس پوهنځي استادان په منظم ډول کنفرانسونه، ورکشاپونه او سيمينارونه ترتيب او  ګډونوالو ته تقديموي، همدارنګه ملي او  ولايتي علمي   کنفرانسونو، ورکشاپونو او سيمينارونو کي فعاله ونډه لري،خپلي تجربې  دنورو سره شريکي او هم  دنورو له تجربو څخه ګټه اخلي.

۵ـ دپوهنتون په مختلفو شوراګانو او ګمېټو کې ګډون

دساينس پوهنځي استادان دپوهنټون په سطحه ټولو شوراګانو او ګميټوکې لکه علمي شورا،دپوهنتون درهبري شورا، اداري شورا، علمي ترفيعاتو ګمېټه ، دنشراتو او فرهنګي چارو ګمېټه، دازموينو ګمېټه، ريسرچ کمېټه، تضمين کيفيت ګمېټه او کريکولم ګمېټو کي شتون او فعاله ونډه لري همداراز استادان دپوهنځي په مختلفوفرعي ګميټوکي هم فعاله ونډه لري.

دمحصلينو دظرفيت لوړونې لپاره دپوهنځي پروګرامونه او سهواتونه

په ټولو څانګوکې دلابراتوارنو سهولتونه برابرول

دکمپيوترليب اسانتياوي برابرول​

کتابتون​

دمحصلينو لپاره دعملي کارونو او برکتيک اسانتياوي برابرول