ماسترۍ او دوکتورا پروګرامونه

ماسترۍ او دوکتورا پروګرامونه

ننګرهار پوهنتون کې د ماسترۍ پروګرام د لومړي ځل لپاره په (١٣٩١) لمريز کال کې د شرعياتو په پوهنځي کې پيل شو، اوسمهال د ماسترۍ څلور پروګرامونه ددې پوهنتون په درېو پوهنځيو کې فعال دي، چې په ترتيب سره يې لاندې راوړو:

  1. شرعياتو پوهنځى
  • فقهې او قانون څانګې ماسترۍ پروګرام
  • اسلامي تعليماتو څانګې ماسترۍ پروګرام

 

  1. حقوقو او سياسي علومو پوهنځى
  • قضاء او څارنوالۍ څانګې ماسترۍ پروګرام

 

  1. ژبو او ادبياتو پوهنځى
  • پښتو ژبې او ادب څانګې ماسترۍ پروګرام

د ماسترۍ دورې په پورته څلورو څانګو کې د ننګرهار او د هېواد د بېلابېلو پوهنتونونو د علمي کادرونو په ګډون (٢٧٧) تنه په زده کړو بوخت دي او (٧٠) تنه يې د شرعياتو او حقوقو په برخه کې ماستران فارغ او ټولنې ته د چوپړ لپاره وړاندې کړي دي.

 

دوکتورا پروګرام

د هېواد په کچه د لومړي ځل لپاره د ننګرهار پوهنتون د شرعياتو په پوهنځي کې د دوکتورا پروګرام رامنځته شو، چې د نوموړي پروګرام پرانيسته د (١٣٩٣ل) کال د وږي مياشتې په (٦مه) نېټه د هغه وخت د لوړو زده کړو وزير پوهاند دوکتور عبيدالله عبيد له خوا په ننګرهار پوهنتون کې وشوه. اوسمهال په ياد پروګرام کې د ننګرهار او د هېواد د بېلابېلو پوهنتونونو (٩) تنه علمي کادرونه په زده کړو بوخت دي.