د ننګرهار پوهنتون د اړوندو ۷ پوهنځیو نوي رئیسان د یادو پوهنځیو استادانو او منسوبینو ته ور وپېژندل شول.

nu_admin
شنبه ۱۴۰۰/۱۱/۳۰ - ۹:۲۸
image

 

پوهنوال محمد عظیم عظیم د طب، پوهندوی دکتور اسدالله دوست د وترنري علومو، پوهنمل بادام نیازی د کمپیوټر ساینس، پوهنمل محمد صادق رهنما د اقتصاد، پوهنمل محمد اسحق شهیدزوی د ښوونې او روزنې، پوهنمل محمد جمال شینواری د عامه ادارې او پالیسۍ او پوهنیار رفیع الله رفیع د ساینس پوهنځیو د نویو رئیسانو په توګه د ننګرهار پوهنتون د رئيس پوهاند دوکتور خلیل احمد بهسودوال له خوا په داسې حال کې، چې د لوړو زده کړو وزارت فوق العاده استازي او د پوهنتون مرستیالانو او یو شمېر استادانو یې ملتیا کوله، رسماً د یادو پوهنځیو استادانو او منسوبينو ته ور وپېژندل شول او د مخکېنیو رئیسانو د خدمتونه تقدیر او ستاینه وشوه.

په همدې اړه د دلوې په ۲۵ نېټه د ننګرهار پوهنتون ریاست مقام کې غونډه جوړه شوې وه، چې د پوهنتون رئیس، د لوړو زده کړو وزارت فوق العاده استازي، د علمي چارو او محصلانو چارو مرستیالانو او د اړوندو پوهنځیو او تدریسي روغتون رئیسانو په کې برخه لرله.

د غونډې د پرانیستې وینا پر مهال د ننګرهار پوهنتون رئيس پوهاند دوکتور خلیل احمد بهسودوال د طب، اقتصاد، ښوونې او روزنې، وترنري علومو، ساینس، کمپیوټر ساینس او عامه ادارې پوهنځیو د مخکېنیو رئیسانو د هلو ځلو او خدمتونو ستاینه وکړه.

پوهاند بهسودوال وویل: یادو رئیس صاحبانو د تدریسي مکلفیت سره سره د اړوندو پوهنځیو د علمي، تدریسي او اداري پرمختیا او پیاوړتیا په برخه کې نه ستړي کېدونکي هلې ځلې کړي، چې مونږ یې قدردانی کوو او د الله تعالی له درباره ورته د اجر غوښتنه کوو.

د پوهنتون رئیس نوي پېژندل شوي رئیسان د ننګرهار پوهنتون وړ او په کار پوه علمي کادرونه یاد کړل، چې په وينا يې، په تقرر سره به یې د اړوندو پوهنځیو علمي او تدریسي چارې لا منظمې او معیاري شي.

د لوړو زده کړو وزارت فوق العاده استازي او د ننګرهار پوهنتون د اداري او مالي چارو مرستیال قاضي خالد صداقت، د علمي چارو مرستیال پوهنمل احسان الله ناصح او د محصلانو چارو مرستیال پوهنوال سید اکرم هاشمي د غونډې نور ویناوال وو، چې د خپلو ویناوو په ترڅ کې تغیر او تبدیل د ادارې مهم اصل وباله، نویو رئیسانو ته یې مبارکي وویله او د مخکېنیو رئیسانو هلې ځلې او خدمتونه یې وستایل.

نوموړو ورسپارل شوې دندې منصبونه نه، بلکې ستر مسؤلیتونه یاد کړل او نویو رئیسانو ته یې د اصولو او مقرراتو سره سم د چارو د ترسراوي سپارښتنه وکړه.

د مجلس په وروستۍ برخه د ذکر شویو پوهنځیو مخکېني رئیسان پوهاند ډاکتر ناصر خان کامه وال، پوهنوال محمد زبیر نورمل، پوهنوال کریم الله بیدار، پوهنوال پیر محمد ستانکزی او پوهندوی صفت الله شاکر د پوهنتون د مشرتابه له خوا د ستاینلیکونو په ورکړې سره تقدیر شول.

تازه ترین اخبار

دوشنبه ۱۴۰۱/۶/۷ - ۹:۲۷
Background image

سرپرست وزارت تحصیلات عالی از روسای پوهنتون های پولی تخنیک و ننگرهار کابل قدردانی کرد.

 

الحاجی مولوی عبدالباقی حقانی سرپرست وزارت تحصیلات عالی، رییس پوهنتون پولی تخنیک کابل، داکتر خلیل احمد بهسودوال رییس پوهنتون ننگرهار، پروفسور عبدالرشید اقبال و هیأت های شان در این. . .
چهارشنبه ۱۴۰۱/۵/۲۶ - ۹:۵
Background image

آژانس پناهندگان سازمان ملل متحد (UNHCR) با ده دانشجوی دانشگاه ننگرهار قرارداد بورسیه امضا کرد.

به گفته مسوولان این پوهنتون، این بورسیه ها با کمک کشور آلمان اعطا شده است که بر اساس آن ده تن از دانشجویان سال اول پوهنتون ننگرهار که به تازگی به کشور بازگشته و مشکلات اقتصادی دارند،. . .

BACK TO NEWS

User account menu