ننګرهار پوهنتون کې د کمال خان بند د ارزښت په اړه یو ورځنی علمي سیمینار ترسره شو.

sakhizada_admin
دوشنبه ۱۳۹۹/۱۲/۲۵ - ۱۰:۱۶
image

 

ننګرهار پوهنتون کې د کب په ۲۴مه نېټه د کمال خان بند د اقتصادي، محیطي او ټولنیز ارزښت او د سیمې پر کرنه او اقلیم یې اغېزې تر سرلیک لاندې یو ورځنی علمي سیمینار ترسره شو.

په نوموړي علمي سیمینار کې د ننګرهار پوهنتون رئیس پوهاند دوکتور خلیل احمد بهسودوال، د علمي چارو مرستیال پوهندوی دوکتور محمد حامد کډوال، د محصلانو چارو مرستیال پوهنوال سید اکرم هاشمي، د بېلابېلو پوهنځیو او تدریسي روغتون رئیسانو، استادانو او محصلینو برخه لرله.

د سیمینار د پرانيستې وينا پر مهال د ننګرهار پوهنتون رئیس پوهاند دوکتور خلیل احمد بهسودوال وويل: د خوښۍ ځاى دى، چې نن ورځ ننګرهار پوهنتون د هېواد د يوې سترې ملي پروژې د ارزښت د بیان کوربه دی.

نوموړي وویل: د هېواد د اوبو سالم مدیریت او په دې برخه کې د شته فرصتونو څخه په ښه توګه ګټه اخیستنه به افغانستان د بې کارۍ، فقر او لوږې له ناورینونو خلاص او د نړۍ د بډای او پرمختللو هېوادونو په کتار کې ودروي.

پوهاند بهسودوال د پوهنتون د بېلابېلو پوهنځیو د استادانو مننه وکړه، چې د اوبو د مدیریت او د کمال خان بند د ارزښت په اړه یې څېړنې کړي او مقالې يې لیکلي، چې په دې سیمینار کې د وړاندې کېدو سربېره به د اوبو د تنظیم ملي ادارې او نورو اړوندو ارګانونو سره هم شریکې شي.

د سيمينار په دويمه برخه کې د ننګرهار پوهنتون د اقتصاد، کرنې، انجنیري او شرعیاتو پوهنځيو استادانو پوهاند محمد بشیر دودیال، پوهاند دوکتور اسرارالحی منیب، پوهنوال حمدالله نظامي، پوهنمل نور اغا نوښت، پوهنیار عبدالرحمن درد او پوهنیار رحمت الله وحدت یار د کمال خان بند تاریخچه، د اوبو اهمیت د اسلام له نظره، د اوبو اقتصادي رول، پلان او مدیریت، د سیمې (نیمروز) د کرنې په وده کې د کمال خان بند د اوبو اغېزې، د هېواد په اقتصادي، ټولنیزې، او محیطي پراختیا کې د کمال خان بند ونډه او د سیمې پر اقلیم د کمال خان بند اغېزې تر سرلیکونو لاندې مقالې او څېړنې ارایه کړې او د اړوندو موضوعاتو په اړه یې د ګډونوالو پوښتنې ځواب کړې.

تازه ترین اخبار

دوشنبه ۱۴۰۱/۶/۷ - ۹:۲۷
Background image

سرپرست وزارت تحصیلات عالی از روسای پوهنتون های پولی تخنیک و ننگرهار کابل قدردانی کرد.

 

الحاجی مولوی عبدالباقی حقانی سرپرست وزارت تحصیلات عالی، رییس پوهنتون پولی تخنیک کابل، داکتر خلیل احمد بهسودوال رییس پوهنتون ننگرهار، پروفسور عبدالرشید اقبال و هیأت های شان در این. . .
چهارشنبه ۱۴۰۱/۵/۲۶ - ۹:۵
Background image

آژانس پناهندگان سازمان ملل متحد (UNHCR) با ده دانشجوی دانشگاه ننگرهار قرارداد بورسیه امضا کرد.

به گفته مسوولان این پوهنتون، این بورسیه ها با کمک کشور آلمان اعطا شده است که بر اساس آن ده تن از دانشجویان سال اول پوهنتون ننگرهار که به تازگی به کشور بازگشته و مشکلات اقتصادی دارند،. . .

BACK TO NEWS

User account menu